露股裸跑豁出去李逸朗新戏破300万点击

杨思琦、李逸朗主演的网络电影《神探茄哩啡》现已播放，而且外界反应亦相当不俗。思琦谓：“今次系全香港班底制作，身兼导演、演员嘅李逸朗都好满意，话迟啲约埋大家一齐开心搞庆功。”思

而自导自演的李逸朗（Don）接受电话访问时直言非常惊喜：“因为要收费先睇到，呢个反应已经好满足，冇谂之后点击率会去到边，特别多谢一班台前幕后，套戏只系拍咗八日，样样都急赶！大家日日陪我OT，呢次系我第一次做导演，学到好多嘢！”

讲到最难忘的事，Don表示是拍摄前四日，屋主才拒绝借屋拍摄，大家都大为慌张，Don即建议搭建厂景，最终黄天不负有心人完成拍摄：“为咗改做厂景特登要改剧本，最终克服咗难题，好多谢一班手足！”

讲到《神》片Don有裸跑露股戏，问下一部作品会否更激？他笑说：“咁要挖埋内脏喎！哈哈！咁讲啦！刚刚自导自演完成第二部作品，拍摄技术上一定比《神》更好。”

Don又点名多谢资深电影人、监制王炳雄助他完成处女作：“可以话系我恩师，我演出嘅时间，佢帮我处理晒所有事。另外就系女主角思琦，佢嗰排要出埠登台，但知我第一次执导，都腾咗两、三日档期畀我。”