李克勤帮TVB修音响TVB台庆零滤镜变夜总会马明黑化YoYo演独角戏

昨晚TVB“万千星辉贺台庆”

无线众星盛装出席

贺“爹地”生日快乐

从红地毯开始就话题度满满

首先係红地毯嘅镜头超高清无死角

真实到一毫子滤镜都唔带

全员原始状态见观众

好在大家都keep得几好、

皮肤状态基本在线

个别晚礼服少咗滤镜加持

显得有少少“夜总会”feel

而且男女星同框嘅时候

肤色差……大家可以感受下↓

特别係马国明挽手唐诗咏

唔知係拍戏特登晒过、

定係化妆师落错粉底

马明黑到“碳化”咁程度

唔认真睇仲以为係古仔

红毯上除咗各种“黑白配”CP出圈

最有话题嘅係传闻中三角关系：

传过绯闻嘅王浩信、蔡思贝

风头火势之下公然挽手行红毯

王浩信嘅“正印”太太陈自瑶

却一个人过场

虽然YoYo依样靓身材正

但难免被人“评头论足”一番

唔少网友质疑TVB

咁样安排红毯搭配有失合理

不过从另一个角度嚟讲

王浩信&蔡思贝係旧年

“视帝”&“视后”得奖者

两人搭配行红毯都係合理嘅

而YoYo昨晚其实亦被安排

有两位男士相伴

只係影相嘅时候咁啱自己出镜

并唔係全程自己一个演“独角戏”

行完红地毯就嚟到“戏肉”部分

场 show一 take action

就抓晒冚唪唥艺人上台做开场

话知你係演员定歌手

全部都要又唱又跳

全员开启“被逼营业”模式

可能因为人数多到麦都唔够使

大家都係斋肉体上台

（líng）声（hún）喺远方响

连对嘴型都悭翻

不过人数多、阵容强

台风几稳，伴舞都好落力

都算俾咗个精彩嘅开头

接落嚟就係之前预热阶段

Color同大家一起去“探班”彩排嘅时候

预告过嘅各式“杂耍”“唱歌”“扮晒嘢”

寻晚都係预料中嘅精彩

证明排练做得好到位、值得俾赞

特别係男女艺人团体PK

都可以见TVB俾咗唔少心思

艺人载歌载舞仲上埋高难度动作

久违嘅草蜢出来嘅时候

掀起咗现场第一个小高潮

三首经典热唱将大家青春嘅回忆勾起

银色西装复古得来又有啲未来感

轻轻有啲好妙嘅效果

天花板转转转嘅镭射灯呢？

唔少网友一路睇一路吐槽

TVB演播厅嘅音响设备硬件

係咪好耐冇更新？

因为出来嘅音质麻麻、效果过于“真实”

新人歌手如此、老牌实力也未能幸免

不过也同时从另一个角度证明

全员真唱、全开麦显真心

直至到李克勤压轴登场

大家先知道问题所在

特意为台庆回港嘅克勤

演绎经典代表作惊艳屏幕内外

《合久必婚》浪漫至极

《告别校园时》满满青春悸动

《红日》永远不过时震撼DNA

稳如CD，震音、假音零瑕疵呈献

好听到令人怀疑佢先係真·“假唱”

亦有网友调侃话：

其实克勤係嚟帮TVB修音响的~

台庆都庆完了

万千星辉颁奖礼亦就快嚟啦！

今年嘅“视帝”“视后”人选

你哋睇啱边个呢？

MORE

今日娱乐看点

睇完《门锁》会有“后遗症”

由白百何主演嘅女性安全题材电影

《门锁》首日上映，三小时开分5.5

网友表示睇完会有“后遗症”，

疑神疑鬼觉得行夜路会有人跟

比悬疑片仲得人惊~

时代少年团守护孤儿

11月20日是世界儿童日

时代少年团呼吁大家加入

“陪你长大 孤儿守护公益计划”

手折星星，

寓意用星星的光守护孤儿

王一博似“开心果”

一搏出活动穿白色西装衬绿色打底

V领嘅效果就好似开心果裂开嘅效果

但係佢本人个表情就似乎唔多“开心”

可爱得来又有啲可怜

网络信息综合整理

进入可乐生活小店

▼