TVB强人系列要拍商战陈豪谭俊彦双视帝上阵张曦雯有望成为女主角

TVB嘅大热剧集

通常都会追开续集

或打造成IP系列，

好似早年嘅《刑事侦缉档案》

《壹号皇庭》《妙手仁心》等

就係长做长有嘅典型例子。

而近年为提振收视率，

无线亦尝试重启《陀枪师姐》

《法证先锋》等经典IP，

但“情怀牌”都唔一定实掂，

拍得唔好就会被吐槽“毁经典”。

难得新开嘅《强人》系列剧集，

题材多变，总体质量也过关，

从《律政强人》到《白色强人》

三缉剧集嘅收视、口碑方面

成绩都几好。

难得有IP势头咁足，

当然係要再接再厉！

呢边啱啱拍完警匪剧《破毒强人》，

嗰边又开始筹备紧开拍

商战新剧《企业强人》啦~

唔讲唔觉，

一向擅长拍商战剧嘅TVB

都好耐冇拍商战元素嘅戏了，

近几年仅出品咗《黄金有罪》

《再创世纪》等零星几部作品。

至于今年掀起热话嘅《家族荣耀》

都有多少商战戏码，

不过讲到尾就唔算自制剧。

所以难得开番部商战题材嘅戏，

真係几有吸引力嘅~

除咗题材令人心动，

演员阵容都令人好期待啵。

皆因《强人》系列

作为TVB重头剧集，

每次都係阵容鼎盛。

好似此前嘅《白色强人2》

集齐咗三“视帝” 两“视后”，

演员号召力真係十分强劲。

今次嘅《企业强人》虽然

预计到明年1月先开拍，

据悉男主角方面已经敲定

由陈豪、谭俊彦“双视帝”上阵。

女主角方面暂时未有定案，

有唔少网友就比较睇好

张曦雯担正喔~

入行唔算耐嘅张曦雯，

虽然非科班出身，

但经过几年嘅锻炼，

喺TVB现役花旦中

演技、观众缘都唔错

咖位都算排得上号啦~

开讲有话

“近水楼台先得月”，

张曦雯同《强人》系列剧集

真係几有缘份噶~

佢入行参演嘅首部电视剧作品

就係《律政强人》，

虽然当时演技青涩，

但佢饰演嘅潘希文一角

之后又在两辑《白色强人》

饰演医生吕霭宁，

演技明显有进步，

仲同郭晋安组成“双Y”CP

圈粉唔少噶。

而在《白色强人2》中，

佢同陈豪饰演

一对分手嘅过气情侣，

唔知有冇机会在新剧中，

“前任”变“现任”？

而喺待播嘅《破毒强人》中，

张曦雯“狠心”改变女神look，

为做Madam剪咗个“男仔头”添。

如果今次再演埋《企业强人》，

简直可以攞番个“强人”全勤奖。

你对新剧《企业强人》期待吗？

你心目中嘅主角阵容又係点嘅？

MORE

今日娱乐看点

林一新剧演创业青年

电视剧《我们这十年》

持续上热搜，

近日开播嘅《前海》单元

聚焦大湾区创业者的奋斗故事，

林一饰演创业青年叶舟

在重重压力之下，

仍然坚守创业初心

夏雨为袁泉庆生

今日係袁泉生日，

夏雨晒出老婆美照为其庆生，

配文中写满爱意，

呢一对老夫老妻平时好低调，

但放起闪来一样甜度超标~

鹿晗录制《脱口秀大会5》决赛

近日，有网友路透

《脱口秀大会5》决赛录制现场，

真·鹿晗都有现身

唔通佢真係要同

“脱口秀届鹿晗”徐志胜

一起讲脱口秀了吗

网络信息综合整理

审核：曾敏妍

签发：骆苹

【微店】可乐生活小店

【淘宝】羊晚生活馆

【邮政】中国邮政微邮局

▼

>>>

一次过get可乐报详细内容