林峯新歌掀回忆杀雷霆扫毒开播10年幼稚完后有幼稚未完

去年签约华纳唱片

正式回归乐坛嘅林峯，

日前推出新歌《幼稚未完》。

《幼稚未完》呢首歌

係林峯与邓智伟的再度合作，

虽然大家对“邓智伟”

呢个名可能唔多熟悉，

但如果你係喜欢

“电视汁捞饭”嘅老港剧迷，

咁你对佢嘅音乐作品一定唔陌生。

作为“港剧ost背后的男人”，

他曾为《溏心风暴》、

《搜神传》、《巾帼枭雄》

等热门剧集创作主题曲。

《爱不疚》、《幼稚完》、

《爱在记忆中找你》等

唔少峯少“饮歌”

也是出自邓智伟之手。

老拍档再合作

而且今次新歌仲係获得

2012年度十大劲歌金曲奖

《幼稚完》嘅二部曲续集，

fans期待感更上一层楼！

但今次新作反响

就似乎不如预期，

暂时评价都比较分散，

豆瓣评分远远不及前作。

由于前作《幼稚完》为

热剧《雷霆扫毒》片尾曲，

加上今年又係剧集开播十周年，

新歌反而勾起咗

唔少剧粉的煲剧回忆！

徐子珊饰演嘅陈家碧，

一度被封为TVB史上

最惨女主角之一。

而林峯同徐子珊

在《雷霆扫毒》、

《少年四大名捕》中

两度搭档都be收尾，

令好多CP粉一直意难平。

不过随住徐子珊退圈，

林峯离巢，两人难再有合作，

如今《幼稚完》后有《幼稚未完》，

《雷霆扫毒》却没有然后了。

好剧总是令人想重温，

唔讲唔知，

今年仲有好多经典港剧

都迎来咗开播十周年啦~

比如《缺宅男女》

钟嘉欣、吴卓羲

难得搭档做情侣，

可惜最后唔係happy ending，

意难平CP再 1。

讲起意难平cp，

又点少得《护花危情》中，

黄宗泽同钟嘉欣呢对。

十年过咗去，

堪称BE美学天花板嘅结局

依然令人印象深刻，

呢份遗憾，

係后来两人合作“欢喜冤家”嘅

《警犬巴打》都无法弥补。

TVB经典医疗剧

《on call 36小时》

前两日也迎来咗十周年，

唔少剧粉仲好有心咁

剪咗纪念视频嚟庆祝添。

马国明同杨茜尧（杨怡）嘅

“鱼头CP”感情令人羡慕，

他们跟罗子溢、黄智雯等

演绎嘅医生群像也令人记忆犹新。

马国明同杨茜尧（杨怡）

搭档嘅另一部剧

《回到三国》也在同年播出。

由于有穿越时空设定，

剧中有唔少脑洞大开嘅

离谱搞笑剧情，

不过马明版司马信 林峰版诸葛亮

意外地火花四射，

令人一边想吐槽，

一边又睇得好上头。

此外仲有胡杏儿嘅《怒火街头2》、

钟嘉欣《当旺爸爸》、

陈法拉《东西宫略》等

原来都已经10年啦~

以上剧集你睇过边几部？

你最喜欢嘅CP係边对？

网络信息综合整理

【微店】可乐生活小店

【淘宝】羊晚生活馆

【邮政】中国邮政微邮局

▼

>>>

一次过get可乐报详细内容