他是TVB御用强奸犯冯盈盈第一次拍剧就被他

TVB有不少御用角色，除了有李国麟做「御用败诉王」、宣萱做「人质王」之外，还有李天翔都是为人所熟悉的「御用强姦犯」。

《果栏中的江湖大嫂》昨晚播出一集的戏肉当然是小狼女 (冯盈盈饰) 被Kent (李天翔饰) 强姦的一幕。TVB一向好喜欢在剧中安排这类强姦的情节，这次这套是冯盈盈首套主演的剧集，想不到就安排了场那么激烈的戏给她，要她处女作就被强姦。有网民甚至在昨晚那集播出前已经开定Post讨论，事前ＦＹＹ又喺ig造势，大家昨晚坐定定，等睇呢一幕，心情好矛盾，又想睇冯盈盈的强姦戏，但又唔想小狼女被姦。未知是否TVB都好明白观众的心意，所以昨晚场强姦戏亦只是点到即止，真系想叫回水。

虽然霸王硬卜弓唔得，都无所谓，但个理由会唔会儿戏左同牵强左呢，明明Kent话左要强姦小狼女，已经将她按在枱上仲撕破了她的上衣，小狼女亦都好痛苦咁挣扎，点知葡挞 (许家杰饰) 被Kent的同党爆樽之后，Kent就即刻放晒手唔强姦小狼女了。有冇搅错呀？之前两条跟班都打到葡挞死咁滞，你仲色心起，点会见到佢俾人爆樽就突然兽性大减呢？断估唔会因为Kent淮备强姦小狼女之前是同葡挞讲过：「你想保护佢呀嘛，我就做场好戏畀你睇！」，之后见佢晕左，所以唔驶再做呢场好戏呢？如果真系咁嘅话，真系好失望萝。

李天翔入行20多年，早年因为认字特警一角而为人所熟悉。自2008年起，李天翔开始于剧集中担任奸角，更因为经常饰演强姦犯角色而被标籤「御用强姦犯」。李天翔虽曾经表示演强姦戏「驾轻就熟」，亦因为佢在剧中强暴过嘅女演员多数都系一线花旦，令佢背负一个「强姦了全电视台女演员」嘅「罪名」，外人可能觉得佢艳福无边，但李天翔就叫苦连天，呢个身份令佢非常尴尬，亦系佢之前决心向TVB提出转为兼职演员嘅原因之一。本来以为转做兼职演员有更大的自由度，甚至可以将「御用强姦犯」呢个头衔写进历史，但今次好似都系走唔甩，要再做强姦犯？

因为拍太多强姦戏，李天翔背负一个「强姦了全电视台女演员」嘅「罪名」，呢个身份令佢非常尴尬，亦系佢之前决心向TVB提出转为兼职演员嘅原因之一

同李天翔喺《果栏》中有大量对手戏嘅Crystal，接受访问，佢话有听闻过李天翔是「御用强姦犯」，而对于强姦戏份则大卖关子，不过佢就对呢个拍档讚口不绝，话佢系一个非常专业同有气场嘅演员，「我第一次见到天翔真人行出嚟，我已经惊到脚都震埋，有啲场口佢要大声喝我同闹我，我要唔可以退缩同埋要好有气势咁顶返转头，但其实我内心眼泪鼻涕都想流出嚟，佢嘅气势真系好劲，畀佢喝一喝，我已经争啲跪低，但个样要扮到好有信心咁，其实真系好～难呀！」

冯盈盈大赞李天翔是一个非常专业跟有气场的演员

Crystal话虽然天翔埋位时气场强劲，但镜头外嘅佢其实好亲切，Crystal仲多次大讚佢好人，「今次系我第一次拍剧，所以我好紧张，有时想喺片场影吓啲花絮相做纪念，但又唔够胆，又好怕丑，天翔知道我唔够胆影相，佢一得閒就拉埋我一齐合照，又有时我拍紧，佢得閒嘅时候，佢好好心咁帮我影花絮，等我有相Po吓，佢真系好好人。」

Crystal大赞镜头外的李天翔非常亲切好人，知佢唔敢喺片场影相，主动拉佢一齐影

除左帮Crystal影多啲片场相留念，天翔都有教佢做戏，Crystal所演嘅小狼女大获好评，应该都要Credit返天翔，「有好多好长嘅独白，我第一次拍剧，我真系唔知点去分析剧本同演绎，天翔系逐段逐句咁教我，用羊语气去讲对白，边度系高潮位，边啲位要加感情，佢真系好好人，虽然天翔畀大家喺『强姦』方面嘅印象好深刻，觉得佢好恶，但其实佢好好人好亲切。」

冯盈盈初次拍剧已经大获好评，佢话多得李天翔教佢演戏。