杨千嬅电视剧多功能老婆「多功能老婆杨千嬅回TVB拍新剧啦」

​

杨千嬅阔别17年，今次再为无綫拍剧令观众非常期待！

原来千嬅自2001年播出的《美味情缘》后，事隔17年再为无綫拍剧，已成金像影后的她今次再度回归小萤幕，实在令观众感到兴奋。她在台上透露接拍剧集时正值开骚之时，当知道剧集是陈宝华亲自操刀时更「吓」了出声，又笑指因为不能向外透露接拍新剧，所以整个过程似足秘捞：「倾亲都要去餐厅VIP房，其实见宝华姐系好紧张，我之前半夜都有追佢套《我本善良》。」而陈宝华亦指自己就算睇千嬅演唱会也不敢高调，怕别人会联想，只好趁完场前自己一个静静鸡走。

2018年无綫最强秘密武器：杨千嬅！（陈顺祯摄）

千嬅接受访问时，便指自己好开心可以再拍剧，因为剧集对于她而言是一种文化甚至是情意结：「同埋今次可以同咁多有份量嘅人合作。（点至打动到你拍？）唔好话系打动，但最主要系剧本，同埋可以同宝华姐合作。（拍剧冇得瞓！）我依家都瞓得好少，我日日都七点起身，其实拍剧同拍戏、淮备演唱会都系差唔多。（有冇要求过有足够休息时间？）我都有返咁上下年纪，我谂剧组仲惊过我，唔想见到我嗰个样！」

今次杨千嬅在《多功能老婆》中与黃浩然饰演一对。

杨千嬅笑指谈接Job时似足秘撈！

对于依家00后嚟讲，可能已经唔知千嬅系歌手，以为佢系演员，代表作就梗系《新扎师妹》方丽娟啦，真系就算之后薛凯琪再拍续集都从未被超越，之后同余文乐嘅《志明与春娇》更加打入大陆市场，个个都识叫佢做春娇姐。

杨千嬅拍《隐形怪杰》个样真系好Pure。（网上图片）

唔讲你唔知，其实千嬅早喺出道无耐已经将处女作献左畀TVB，就系林家栋套神剧《隐形怪杰》，唔记得？讲「林家栋裸体」大家有啲印象挂，不过套剧千嬅戏份唔算多，所以大家都唔太觉佢系有扮拍。

而第二套剧《外父唔怕做》大家应该会比较有印象，因为未睇过套剧都可能听过佢首主题曲《让我飞》，「来让我飞上／一百万尺的空气／让我飞可找到奇遇共趣味」，入面千嬅担正做女主角，同张家辉做夫妻，秦沛就做千嬅阿爸，当年套剧收视都唔错！

秦沛带住千嬅拍呢套《外父唔怕做》又okay喎。（网上图片）

最后一套系大台嘅剧集就系《美味情缘》，大家就应该最熟，皆因最大卡士，有吴启华、陈慧珊、马德钟、滕丽名，就连Eason老婆徐豪萦都有份拍，称得上系神剧之一。千嬅系入面同林峰做情侣，林峰嗰时拍剧个样仲成日被大家拎返出嚟同佢而家个样比较，唔讲大家都唔知，嗰张相其实就系出自《美味情缘》。

林峯同千嬅在里面演情侶。