tvb台庆剧枭雄你打几分钟了「TVB台庆剧枭雄你打几分」

寻晚TVB开始播一套叫《枭雄》嘅电视剧，故事背景系讲民国时代嘅上海。虽然啲主角个名古灵精怪，但基本上一睇就知系讲「上海三大亨」嘅故事。

上海三大亨系民国时期上海市嘅风云人物，黄秋生演嘅乔傲天原型就系民国时期有「上海皇帝」之称嘅杜月笙，汤镇业演嘅翟金棠原型系黄金荣，黎耀祥演嘅龚啸山原型系张啸林。旧上海三大亨中，素有“黄金荣贪财，张啸林善打，杜月笙会做人”嘅说法。好难简单归类佢哋系乜嘢人，佢哋嘅系黑帮人物，做好多非法勾当，但又同国民党关系密切，好似杜月笙咁，佢系以贩毒起家，但又帮国民党镇压中共响上海嘅地下活动，抗战期间又响香港捐钱运物资支援抗战。黄金荣，既系青帮头目，但又曾经保护国民党政要同支援抗战。至于张啸林，由于佢后嚟成为咗汉奸，所以后世人对佢评价都系一面倒嘅差。

可以咁讲，当时嘅中国尚为乱世，国民政府要令上海呢个华洋杂处嘅地方天下太平，就唔能够唔依靠上海三大亨呢类江湖人物，摆平华界同租界内嘅问题，所以先会出现官匪难分嘅奇怪现象。

第一集《枭雄》秋生哥由头带到尾，算系TVB近来唔错嘅剧集。睇返官网介绍，剧集重要角色有16人，第一集已出场10个，一副图带你认识枭雄中16嘅重要角色。

好耐冇试过追TVB啲剧！呢部台庆剧你打几分？