爱情神话里的老白来闵行办展就在本周末

近日茶余饭后

大家闲聊的热门话题中

或许就有电影《爱情神话》

白红卫在电影中客串出场

片中的“老白”原型就是

画家白红卫

1月15日-16日，“白辛苦老辛苦”白红卫艺术作品展暨版画作品签售会将在位于闵行区颛桥镇光华路上的米奥艺术中心举行。

期间，老白将与现场观众互动对话，首次演奏激荡人心的非洲鼓乐，与大家一起分享《爱情神话》的幕后花絮，限量版画作品也将在现场限时签售……

部分作品赏析

天长地久

宣纸彩铅

45x45cm

事事如意

蝶恋花

蟋蟀图1

蟋蟀图2

侬一道来白相伐啦？

“白辛苦老辛苦”

白红卫艺术作品展暨版画作品签售会

时间：

1月15日 14:00-17:00

1月16日 14:00-17:00

地点：米奥艺术中心（闵行区光华路128号A栋）

交通：地铁5号线、公交747、闵行17路等

★防疫提醒：

进入场馆时，请主动出示行程码和健康码，并配合工作人员测量体温、做好信息登记。活动期间请全程佩戴好口罩~

《爱情神话》上银幕，片中的上海话对白也让阿拉上海宁倍感亲切，有上海爷叔特地前往观影发来沪语观后感，并有沪语播音员用吴侬软语播讲，一起来听听看——

“我看《爱情神话》

沪语注释：张林龙

沪语诵读：郁琴妹

沪语版电影《爱情神话》上映了，一记头（yikjidhou①一下子。②仅一次）引起上海人个轰动。铁板钉钉（tikbedin 'din 敲定落实，毫无疑问），上海人屏仔廿七年再勒银幕浪总算看到真式个上海人勒拉讲自家个闲话，殟塞（waksak不舒服，不痛快）仔老老……（lao lao ……很，非常）长辰光了，哪能会勿激动呢？我是年纪大了，也有毛廿年呒没进过电影院了，搿趟（这次）也屏勿牢（binfheklao支撑不下去，熬不住，忍不住。“屏”又作“鈵”）叫小长（本地土话指子女小辈。长读涨）上网脱我订票去看了。

关于电影本身，我呒啥话头（hhmsa hhodhou ①没什么可说。②无可挑剔，没得说。③无可奈何，表示失望），啥个画面画风、演员演技、现实意义咾啥，自有专门评论家勒讲，大家尽管可听。我个人欣赏影片压末（akmek〈副〉最后，末了）快，老乌个搿段深情表白式个讲伊小年青辰光脱国际影星索非娅个绯闻故事，还是蛮精彩蛮动人个。我也愿意相信是真个，否则老乌勿会得一直囥勒肚皮里，伊几十年一直不谈朋友勿结婚。老乌听到网浪误传索非娅突发急病抢救勿成死脱了，心口一记头闷牢一脚去（yikjiakqi ①全完了。②全部拿走；跟走。③死了）了。搿个绝对假勿起来个。爱情有神话

？作兴（zokxin①〈副〉也许，可能。②〈动〉该）搿就是叫神话。

影片里，男主角男配角、女主角女配角侪是清一色上海人，外加是知名度老高个本土演员，我侪蛮欢喜个。伊拉个上海闲话当然是标准个，是我伲侪熟悉个，交关多个切口、难板（nebe（副〉偶然，很少）来句把个粗口侪是心领神会个。

剧照

影片主要表现个是所谓上只角个上只角个户荡（whudhang〈名〉地方）老底子个法租界，现在个衡复街区里个中年男女情感生活。生活勒搿只圈子里个人，上海闲话应该讲是标准个，一则因为搿搭里（ghekdakli〈代〉这儿，这边，这里）一直是土著（上海本地话读土族）居住地，二则离外省市移民集聚地老远，人员交往稀少，呒没受啥外地方言个影响，上海闲话个根还勒海，老派上海闲话应该是占据了主流地位。

几位男女主角配角一位是五零后、四位是七零后，伊拉个闲话搭口音应该是老派上海闲话。勒搿里，我可能是有眼吹毛求疵了，电影里向有得三个字眼个读音有偏：关系（沪语读伊、姨）个系、相互（沪语读饿）个互、晒（so沪语读舍）台个晒。侬现在到上只角去听听五六十岁以上人个读音，绝对是系（伊）、互（饿）、晒（舍），而勿会得是现在电影对话当中个戏、午、啥，搿眼变音侪是九零后小青年读书辰光受普话强推个影响，从普通话发音变来个。老明显，用勒电影当中搿几位角色身浪是勿适当个。

讲到搿里 ，再插一句。有得沪语儿歌大王头衔个音乐人王渊超先生看过电影之后，根据影片开头一段叫买糖个诗句，特为创作了上海闲话味道十足个歌谣，上海闲话搭英文用吉他弹唱，假使（jiasy假如）以后能加到影片背景浪向板是（beshy〈副〉肯定，一定）大受欢迎，再如果（shygu读音同上海话：汝果、乳果）拿其中“发现”一词改为“发觉”（音发甲）葛末就更加㜺了。

方言是民族文化璀璨项链浪个一粒粒闪光个珍珠，落脱了就寻勿转来了。告咾（gaolao〈连〉所以）近年来专家学者告民间侪勒大力呼吁非正式场合、日常生活要使用方言，鼓励告推动中小学生勒课余勒屋里讲上海闲话，告咾吴语小说、沪语电影也应运而生了，搿眼侪是方言文化传承个大好事，值得赞赏。

据夜报消息，上海勿长远后头将上演方言话剧版个曹禺名著《雷雨》，据讲由沪剧名家华雯领衔主演，讲个是剧作诞生年代九十年前个上海言话，也就是老派上海闲话，作兴还有本地土话。到辰光一定去捧场。

言归正传，电影《爱情神话》对上海个中老年人来讲还是值得一看个，伊会得激起侬个怀旧之情，让侬跟剧中人一道勒上只角兜兜转转，看看现在个烟火气到底比老早（laozao①〈名〉从前。②〈副〉很早）个哪能？希望上海闲话个传承能乘上《爱情神话》个东风，传得更快更远更好。谢谢《爱情神话》。

你去看过了吗？

有什么感想？

部分文字：区文旅局、学上海话