TVB味想天开宣传玩到癫蔡思贝生擒洪永城同诗咏备案

蔡思贝和洪永城等出席TVB新剧《味想天开》宣传，蔡思贝与Tony一身古装新娘、新郎打扮现身，他们又应大会要求由Tony背着蔡思贝进行玩新人游戏。

他们除了互相喂食，蔡思贝又同洪永城大玩“树熊抱”揽到实兼“咀嘴”，场面冧爆。“玩到癫”的蔡思贝更笑言要向Tony女友唐诗咏电话备案。

问到是否怕唐诗咏呷醋？蔡思贝说：“佢会明嘅，咁宣传紧要玩得投入啲，唔通闷蛋宣传会有人锺意咩？（Tony话你好猴擒？）大家都知洪永城不嬲出名讲嘢唔用脑，不过我哋拍剧三个月，大家都系玩得嘅，乜都讲笑。”

以出嫁Look宣传的蔡思贝，被问到会否勾起她与男友麦秋成的分手伤痛回忆？她说：“唔会呀，我好开心，因为我今日同我好姊妹孙慧雪同日‘结婚’，阵间我就赶过去，今日系我人生第一次做姊妹。（触景伤情？）唔会啦，系好赶就真，忙过拍剧，又要古装头变番现代！

（兄弟团中有冇笋盘？）仲未见面，阵间审核吓。（会抢花球？）抢到就抢，其他人应该唔够我抢，其实我都唔清楚婚礼流程，但去得紧要全情投入。”