香港经典贺岁电影哪部是你心目中永恒经典的「香港经典贺岁电影哪部是你心目中永恒经典」

依家香港贺岁片主要分两家，一家系王晶出品，一家系黄百鸣出品，明星多而质量差，剧情无聊，笑点生硬，每年换个包装就继续拍，继续上，毫无创意诚意可言。

睇到依家啲所谓嘅贺岁片，令人怀念上世纪香港曾经嘅经典贺岁喜剧片，今日一于就重温一下佢哋！

《最佳拍档》系列

第一部1982年 7.5分

第二部1983年 7.3分

第三部 1984年 7.0分

第四部 1986年 6.8分

剧情：金刚与光头佬嘅查案警匪喜剧。

曾经系创造香港票房纪录嘅经典电影系列，开创咗警匪喜剧嘅先河，引发好多后来者模仿。

细个睇会觉得鬼马搞笑、汹涌澎湃，依家重睇觉得冇咁好笑，桥段陈旧，不过得闲攞嚟回味下都唔错！外加一句，主题歌真系好好听！

《富贵逼人》系列

第一部1987年 7.4分

第二部1988年 7.2分

第三部1989年 7.0分

剧情：讲述咗做新闻主播嘅骠叔一家五口生活贫穷，因为一次中彩票而引发咗一系列嘅笑话，全家人经历几次大起大落嘅故事。

呢个系列嘅评分唔算好高，但系系一个非常有香港市井风味嘅贺岁片系列，最后同我哋讲咗一个道理——无论系富系穷，简简单单先系最幸福。而每次怀念肥姐嘅时候，都会睇返呢个系列。

《家有喜事》

1992年 豆瓣评分：8.0

剧情：讲述咗常家三兄弟：老大常满、老二常舒、老三常欢充满情趣而又热闹非凡嘅家庭生活

贺岁片之中嘅经典之作，笑点密集但又唔生硬，令你笑得自然，笑得开怀！呢啲先叫真正贺岁喜剧，之后嘅续集感觉都比唔上第一部。入边嘅桥段，到依家都有电影模仿致敬。

《射雕英雄传之东成西就》

1993年 豆瓣评分：8.7

以射雕英雄传嘅人物为原型改编，讲述咗东邪、西毒、南帝、北丐、周伯通等人后生时候发生嘅一系列荒诞事

咁嘅天王级阵容同你拍一出无厘头贺岁喜剧，用尽荒诞搞笑嘅剧情同唔顾形象嘅演技引你笑，点可以唔睇！梁朝伟嘅香肠嘴，叶玉卿嘅蟹舞，梁家辉嘅反串女装等等，依家睇嚟都系经典之中嘅经典！

《花田喜事》

1993年 豆瓣评分：7.5

剧情：北宋年间富家子弟周通周围撩事斗飞，一次周通搵魔术师高柏飞喺太君寿宴中表演，高柏飞同周通一齐邂逅白家独女白雪仙，周通因白雪仙美貌而要娶白雪仙过门，喺重重误会下，最后搞出个大笑话。

罕见喺一部贺岁电影之中见到戏曲元素，黄百鸣同吴君如果然系实至名归嘅贺岁档最佳情侣。

《逃学威龙3龙过鸡年》

1993年 豆瓣评分：7.0

剧情：富翁王百万被杀，警方赶到时反而唔见条尸，因警员周星星与王百万相貌相似，于是派佢去做卧底，最后周星星搵出杀王百万真凶。

故事同《逃学威龙》前两部并无联系，周星驰 王晶出品嘅无厘头又带啲情色味嘅喜剧片，评价褒贬不一，有人觉得狗尾续貂，有人觉得搞笑精彩，唔知你又点睇？

值得一提，电影好多地方致敬咗当年大卖嘅外国电影《本能》。

《城市猎人》

1993年 豆瓣评分：7.1

私家侦探孟波（成龙）追寻死去搭档的妹妹惠香而上到赌船，遇上悍匪劫持赌船而打败悍匪嘅故事，期间仲同三个靓女纠缠不清。

**同韩剧《城市猎人》一样，都系改编自同名日本漫画。

其实写呢部片嘅时候，我都犹豫过，因为作为喜剧片，《城市猎人》各方面都偏弱，而且唔系合家欢嘅剧情，不过一谂到成龙经典嘅春丽造型同街霸对打，都系决定选埋佢。

我有时候会觉得，呢部戏有7.1分，系因为王祖贤、邱淑贞、后藤久美子三大女神嘅颜值。

《大富之家》

1994年 豆瓣评分：7.6

香港富翁任大宽一家四世同堂，无奈几个仔各有烦恼事，随住罗伯特嘅出现，任大宽一家生活发生改变。

与《家有喜事》齐名嘅贺岁喜剧，不过冇《家有喜事》搞笑，剧情偏向温馨平常嘅生活剧，而哥哥阴郁男子嘅造型真系型到爆，直击少女心！

《喜剧之王》

1999年 豆瓣评分：8.4

对喜剧情有独钟嘅尹天仇同舞女柳飘飘逐渐产生感情，之后喺杜娟儿帮助下，尹天仇终于获得机会演主角，但又陷入与柳飘飘、杜娟儿嘅三角恋之中。

《喜剧之王》嘅意义同深度超越咗一般嘅贺岁喜剧片，曾有人认为《喜剧之王》系周星驰转型之作，脱离单纯无厘头搞笑，走向笑中有泪、悲中带喜嘅更高层次喜剧，反正睇过都唔会后悔！而张柏芝嘅柳飘飘依然系非常惊艳!