陈奕迅出道「陈奕迅入行27年首度台上痛哭!」

陈奕迅（Eason）的红馆演唱会昨晚（10/11）来到第24场，休息一日过后，不知是否受天气影响、或是人放松后，身体倦意开始涌上来。昨午彩排时，Eason发现声音出现少许问题令他突然浮燥，惊恐发作担心自己会失声。虽然昨晚演出成功，观众反应亦非常热烈，但到Encore部份选唱近年最爱的歌曲《相信你的人》时，入行27年的他第一次在观众面前落泪，现场有不少歌迷也跟着哭起来，场面感人又震撼。

Eason接受观众欢呼拍掌已经很感动，他鞠躬良久对大家说：「多谢大家包容，你哋系童子军（日行一善），呢两日...唔知天气定咩...有啲嘢发咗出嚟，我突然好惊，好惊自己冇声。」观众拍掌高呼：「唔驶惊」、「好好听」，「劲正呀」。Eason闻言说：「当然我哋有现代科技帮忙，我冇去打针呀，因为好伤呀打针。我食咗粒药啰。不过唔紧要，做完明日一场，我重可以休一日，好似脚拉伤一样，其实你用咩药膏都系冇用，最紧要系休息。今日我觉得自己未做到最好啰....畀唔到平时跳跳扎大家。我又怪责自己，加乜嘢场，做25场咪好啰，自己戆居、觉得一路都好好，我又27号生日，咁27场几好喎，其实大家咁好，抢飞入来支持我，我唔应该谂番转头，即系呢个骚都系想带畀大家一些理念，人经常thinking too much ，我都系谂太多，所以下午回来彩排时，真系又惊又紧张，沉过依家一千倍，吓亲所有工作人员，其实系我太紧张，自己同自己比较，不想令大家失望.... 谂太多..... 」

观众不停大叫：「加油」、「冇事」、「唱得好好」，「唔怕」，Eason笑道：「你梗系啦你，你都听完，试下我同你讲，今日退飞改期...」观众再大叫：「唔紧要，改期都等你！」Eason开心又感动：「咁你真系好爱我。多谢你哋，今晚畀左好多力量我。」

到Encore环节，Eason拣了他近年非常喜欢的一首歌《相信你的人》送给大家：「呢只歌系我19年，为部电影『银河补习班』而唱，邓超导演带埋部未完成的电影，飞来香港畀我睇，问我有冇兴趣唱只歌。渠最初想用《单车》改国语版，但系我觉得佢咁有诚意，《单车》亦唔系好适合变国语版，最后我搵咗台湾我好尊重的一位好朋友，陈小霞写词，姚若龙作曲，渠地话放心交畀佢地，最后这首歌出来，不知系人年纪大易感触定点，歌词真系好令人动容。」

他续说：「我知大家香港人钟意广东歌，但一只好歌，点解要分语言呢？音乐系世界语言，你可能听一只土耳其歌你都会被感动，所以我好想用来送畀大家....」讲到呢度，Eason突然感触到控制不到情绪，二十多年来第一次于台上落下泪来，泣不成声，暂停了一会，他才抹着泪水道：「唉，我系唔suppose畀呢个样人，二十多年来，我从来都唔会畀呢个样大家睇慨....唉，羞家，失礼失礼..... 我通常剩系带欢乐同愤怒畀大家，哈哈....我冇哀愁，哀愁喺晒歌里面，我亦唔想喊，喊紧点唱歌畀大家听....呢只歌陪咗我两三年，每当我有不开心，迷惘时，呢只歌畀咗好多力量我，所以我特登拣来送畀大家，请大家相信，勇气就系魔术，可以帮到你。」

此外，这两晚群星涌现支持Eason，继有甄子丹及其太太、吴肇轩、Amy Lo、Ansonbean、少爷占、张智霖、岑宁儿、陈咏谦、蔡颖恩同老公、温碧霞及老公， 黄凯逸、袁澧林、张进翘、洪卓立及女友刘沛蘅、曾比特及女友、云浩影，Supper Moment、吴君如陈可辛一家三口、陈伶俐、陈法蓉，卢海鹏、林建明等等。