TVB心理追凶首播马国明做医生型爆蔡思贝做社工迷人

有马国明、蔡思贝、杨明、敖嘉年等主演的TVB新剧《心理追凶Mind Hunter》昨晚播出第一集。

TVB笋盘马国明（马明）年前凭剧集《On Call 36小时》嘅深情医生角色“一件头”深得网友欢心，但之后佢就转咗多数拍喜剧好似《流氓皇帝》、《为食神探》咁，等咗咁耐，马明终于再做专业人士！

马明饰演嘅心理医生锺意用非常手段，可以话系非一般心理医生，第一集马明要医治患有轻度自闭（阿斯伯格综合症）嘅杨明，就逼佢倒垃圾，令佢学识体谅人。

而马明认识杨明细妹蔡思贝一Part亦够晒特别，社工思贝在便利店被飞女“贼赃嫁祸”，令思贝被屈偷唇膏，马明挺身而出帮思贝，不过佢唔系目击思贝被屈，反而从心理角度出发，话佢打扮朴素冇咩化妆又着牛仔裤，绝对唔会偷颜色咁鲜艳嘅唇膏，难得便利店店员就咁就放过思贝。

另外，《心》剧第一集亮点之一系老戏骨汤镇业都有出场，脾气暴躁，未知会唔会好似之前吴岱融咁弹出呢！